"Манчестер Сити" ёзда "Бавария"га ўтиш эҳтимоли юқори бўлган ўнг қанот ҳимоячиси Кайл Уокерга ўринбосар изламоқчи эмас. Эслатиб ўтамиз, "шаҳарликлар" 33 ёшли футболчи учун 15 миллион евро талаб қилмоқда. “Қизил машина” ҳозирча бундай пулни тўламоқчи эмас, аммо трансфер эҳтимоли ҳали ҳам юқори.
Журналист Сем Лининг сўзларига кўра, “Манчестер Сити” ҳимоядаги исталган позицияда ўйнай оладиган Уокернинг ўрнига футболчи сотиб олиш заруратини кўрмаяпти. "Шаҳарликлар"нинг фикрича, Жон Стоунс, Мануэль Аканжи ва Рико Льюис каби рўйхатдаги кўп қиррали футболчилар Кайлнинг кетишининг ўрнини тўлдиришлари мумкин.
