"Ростов"нинг собиқ ҳужумчиси, ҳозирда "Кальяри"да тўп тепаётган Элдор Шомуродов ҳужумчи Аббосбек Файзуллаевнинг ЦСКАга ўтиши ҳақида гапирди.
“Тошкентда Аббос билан тушлик қилдик, у ЦСКАга ўтиш ҳақида мен билан маслаҳатлашди. Мен унинг қарорини қўллаб-қувватладим”, — дея Шомуродовдан иқтибос келтирди “Чемпионат”.
Бугун, 4 август куни “аскарлар” “Пахтакор”дан 19 ёшли Файзуллаевнинг трансферини расман эълон қилишди. Томонлар ўртасидаги меҳнат шартномаси 2025/26 йилги мавсум якунига қадар имзоланган.