«Вольфсбург» ҳимоячиси Микки ван де Вен «Тоттенхэм»га ўтди, дея хабар берди Фабрицио Романо.
Манбанинг хабарига кўра, клублар трансфер бўйича келишувга эришган. 22 ёшли нидерландиялик футболчи 2028 йилгача шартнома имзолайди.
Аввалроқ «шпорлар» унинг учун бонуслар билан бирга 50 миллион евро тўлаши ҳақида хабар берилганди.
Ван де Вен 2021 йилнинг августидан бери «Вольфсбург» сафида тўп тепади. 2022/23 йилги мавсумда у Германия жамоаси сафида 36 та ўйинда майдонга тушиб, 1 та гол урди ва 2 та голли узатмани амалга оширди.
