Теҳроннинг "Персеполис" клубида кўрикдан ўтиш учун келган ганалик Стефан Аппия ва австралиялик Девид Карни эртага бўлиб ўтадиган Эрон ва Ўзбекистон терма жамоалари ўртасидаги ўйинни "Озодий" стадионида кузатадиган бўлишди.
Аппия ўтган ҳафтада Эронга келганди. Аммо уч кунлик машғулотдан кейин у "Персеполис" бош мураббийи Мануэль Хосега ёқмади ва эртага Эронни тарк этади. Карни эса машғулотларда иштирок этишда давом этмоқда. У мураббийга маъқул келса, шундан сўнг улар музокаралар столига ўтиришади.
Эслатиб ўтамиз, Девид Карни 2012 йилги мавсумни "Бунёдкор" клубида ўтказди ва ушбу клуб бош мураббийи Миржалол Қосимов эртага Ўзбекистон терма жамоасини "Озодий" стадионига бошлаб тушади.
