Кеча Ўзбекистон миллий терма жамоаси ўзининг ўйинолди расмий машғулотини "Озодий" стадионида эмас, стадиони ёнидаг машғулот майдонида олиб борди. Кеча Теҳронда ёмғир ёғиб тургани учун ўйин комиссари стадион майдони сифатини сақлаш мақсадида жамоаларга стадионида машғулот ўтказиш учун рухсат бермади.

Терма жамоамиз ёмғир остида машғулотларни олиб боришди. Эрондаги ёмғирли об-ҳаво Миржалол Қосимовни ҳайрон қолдирмади. "Биз Эронда бундай об-ҳаво бўлишини билардик. Бунга тайёргарлик кўргандик. Машғулотлар ҳам шунга асосан ташкил қилинди", дея таъкилаб ўтди бош мураббий.

Об-ҳаво маълумотларига кўра, бугун кечки пайт (ўйин пайтида) ҳам Теҳрон ёмғир ёғиши кутилмоқда.

Ҳар қандай ҳолатда ҳам терма жамоамиздан ғалааба кутамиз. Миржалол Қосимов айтанидек, бу шундай ўйинки, ушбу ўйинда ғалаба қозонсак, гуруҳда 1-ўринга ҳам чиқиб олишимиз мумкин, мағлубиятга учрасак, 4-ўринга ҳам тушиб кетишимиз мумкин.

Ушбу ўйин мавсумнинг энг сўнгги муҳим ўйинларидан бири. Умид қиламизки, мураббий айтганидек, футболчилар худди сўнгги ўйинга чиққандек ҳаракат қилишади.

"Ғалаба учун ўйнаймиз, албатта осон бўлмайди. Аммо бу амалга ошириб бўлмас вазифа эмас. Эронни ютса бўлади. Эрон яхши жамоа, аммо биз ҳам кучсиз эмасмиз". Миржалол Қосимов.