Миланнинг "Интер" клуби "Порту" ҳужумчиси Меҳди Таремини сотиб олмоқчи.
Il Corriere dello Sport нашри хабарига кўра, эронлик футболчи "нерадзуррилар" рўйхатидаги вариантлардан бири.
Шунингдек, Таремига аввалроқ футболчини 24 миллион еврога сотиб ололмаган "Тоттенхэм" ҳам қизиқмоқда. “Интер” учун “Арсенал” футболчиси Фоларин Балогун устуворроқ, бироқ унинг нархи 50 миллион евро бўлганлиги сабабли, Симоне Индзаги бошқа трансферга эътибор қаратмоқчи.
Тареми ўтган мавсумда Португалия чемпионатининг энг яхши тўпурари бўлди ва 33 ўйинда 22 гол ва 7 голга ассистентлик қилди.
