"Навбаҳор" бош мураббийи Самвел Бабаян Суперлига 16-турида "Пахтакор"дан учралган (1:2) мағлубият ҳақида гапирди.
"Мавсумдаги энг муҳим учрашувда афсуски, мағлуб бўлдик. Ушбу мағлубият учун мухлислардан узр сўрайман. Биринчи бўлим жуда ҳам муваффақияциз ўтди. Айрим футболчилар хаяжон сабаб ўзларини кўрсата олишмади, курашларда енгилишди. Натижада иккита тўп ўкатиз юбордик.
Танаффусдан сўнг ниманидир ўзгартира олдик. Ўйинда асосан ҳиссиётлар биринчи ўринда турди. Тўғриси, бугун мағлубиятга лойиқ эмасдик. Тошкентда ҳам, Наманганда ҳам омадимиз келмади. Чемпионлик учун курашни қийинлаштирдик, аммо олдинда ҳали 10 та баҳс бор. Ўйин олдидан бўлган атмосферанинг сабабчилари жамоа футболчилари. Ҳа, бугун ўхшамади. Футболда бундай ҳолатлар ҳам учрайди", - деди Бабаян.