"Ньюкасл" бош мураббийи Эдди Хау ўз клуби италиялик ярим ҳимоячи Сандро Тоналини сотиб олиб, тўғри иш қилганига ишонч билдирмоқда. "Ньюкасл" трансфер мавсумининг бошидаёқ бу келишувни амалга оширди.
"Тоналини анчадан бери кузатиб келаман. "Милан" А Серияда ғалаба қозонгач, унга бўлган қизиқишим янада ортди. "Милан"нинг Чемпионлар лигасининг ярим финалига чиқишида унинг катта хизматлари бор. Унинг техник қобилияти, муносабати, атлетикаси. Биз уни сотиб олиш орқали тўғри иш қилдик. У аллақачон инглиз футболига мослашиб бўлган", дея Хаудан иқтибос келтирган pianetamilan.it.