"Манчестер Юнайтед" ҳимоячиси Харри Магуайр фаолиятини "Вест Хэм"да давом эттириши мумкин, деб хабар беради Daily Mail.
Манба берган хабарга кўра, "болғачилар" 30 ёшли англияликнинг трансфери борасида "Манчестер Юнайтед" билан келишиб олган, бироқ футболчининг ўзи ҳали Лондон клубига ўтиш ёки ўтмаслик борасида бир қарорга келмаган.
Магуайр "Манчестер Юнайтед"да 2019 йилдан бери тўп тепади ва шартномаси 2025 йилнинг ёзига қадар тузилган. Ўтган мавсумда у манкунианликлар сафида 31 та ўйинда иштирок этди. Мавсум оралиғида ҳимоячи клубдаги сардорлигини йўқотди.













