"Тоттенхэм" ҳужумчиси Харри Кейн бугун тушдан кейин Германияга етиб борди. Daily Mail нашри хабарига кўра, футболчининг Лондондан кетиши кечикиб қолган муаммо амалда ҳал бўлди.
Аввалроқ матбуотда "Бавария" ва "Тоттенхэм" Кейннинг трансфери бўйича 100 миллион еврога келишиб олгани ҳақида маълумотлар пайдо бўлган эди. Маблағ бонус тўловлари орқали 120 миллион еврогача кўтарилиши мумкин.
Харри Кейн эндигина 30 ёшга тўлди ва фаолияти давомида "Тоттенхэм"да ўйнади.
Қўшимча қиламизки, 12 август куни "Бавария" Германия Суперкубоги учун "Лейпциг" билан ўйнайди.
