"ПСЖ" бош мураббийи Луис Энрике ушбу трансфер ойнасида парижликлар сафини тарк этиши айтилаётган ярим ҳимоячи Марко Верратти ва ҳужумчи Неймарнинг келажаги ҳақида гапирди.
Эслатиб ўтамиз, аввалроқ Энрике Неймар ва Верратти билан шахсий суҳбатда келажак режаларини муҳокама қилгани ҳақида хабар берилганди.
"Неймар ва Верратти? Одатда футболчиларим билан суҳбатларим тафсилотларини ошкор қилмайман. Бундай нарсалар шахсий бўлиб қолиши керак. Бошқа томондан, сизларни менинг ҳаракатларимга эътиборли бўлишга чақираман, чунки айнан менинг қарорларим менинг фикримни билдиради", - деди Энрике Лига 1 1-тури арафасида бўлиб ўтган матбуот анжуманида.
