"ПСЖ" бош мураббийи Луис Энрике парижликлар жамоаси бошидаги асосий мақсади ҳақида гапирди. Эслатиб ўтамиз, испаниялик мутахассис шу йилнинг ёзида парижликларни қабул қилиб, Кристоф Галтьенинг ўрнини эгаллаган эди.
"Мен нарсаларни ўзгартириш учун келдим. Мен жамоамнинг тўлиқ 90 дақиқа ишлашини истайман. Менга агрессив прессинг билан ҳужумкор футбол ёқади. Биз ҳаммамиз профессионалмиз ва мухлисларга қувонч улашмоқчимиз" - деди Энрике матбуот анжуманида.
Энрике аввалроқ "Рома", "Барселона" ва Испания терма жамоасини бошқарган. Фаолияти давомида Луис мураббий сифатида Чемпионлар лигасида ғолиб чиққан.
