"Ливерпуль" бош мураббийи Юрген Клопп бугун бўлиб ўтган матбуот анжуманида Пол Погбанинг 2016 йилда "Манчестер Юнайтед"га ўтганини эслатиб ўтди. Ўшанда Клопп франциялик футболчининг трансфер нархига изоҳ берар экан, битта футболчи учун 100 миллион евро сарфламаслигини ва агар бундай суммалар одатий ҳолга айланиб қолса, мураббийлик фаолиятини якунлашини айтди.

Шу ҳафта маълум бўлишича, "Ливерпуль" 21 ёшли "Брайтон" ярим ҳимоячиси Мойсес Кайседо учун 111 миллион фунт стерлингга келишувга эришгани ҳақида маълумот пайдо бўлди.

"Ҳаммаси ўзгарди. Бу менга ёқадими? Йўқ. Мен хато қилганимни англадимми? Ҳа.

Мен ҳеч кимни айбламайман, лекин бу бозор. Якунда клуб сифатида барча имкониятларимиз билан энг яхши футболчиларни жалб қилишимиз керак.

Биз эртакда яшамаймиз. Биз бир футболчини кўрсатиб, уни қўлга кирита олмаймиз. Баъзида баъзи эшиклар ёпилади, бошқалари очилади", - деди Клопп BBC билан суҳбатда.