"Наполи" ҳамон ҳужумчи Виктор Осимхен билан шартномани узайтиришдан умидвор.
Нигерияликнинг амалдаги шартномаси 2024/25 йилги мавсум охиригача мўлжалланган. Яқинда ОАВда 24 ёшли футболчининг Саудия Арабистони клубига ўтиши мумкинлиги ҳақида миш-мишлар пайдо бўлди.
“Мен Осимхен ўзини бахтли ҳис қилишини хоҳлайман. Томонлар катта иш олиб бормоқда. Виктор - жамоамизнинг асосий ўйинчиси ва мен унинг тўлиқ эътиборини футбол ўйнашга қаратиши мумкин бўлган пайтни интиқлик билан кутаман", деди неаполликлар мураббийи Sky Sport нашрига берган интервьюсида.