"Манчестер Сити" бош мураббийи Хосеп Гвардиола жамоасининг Англия Премьер-лигасининг 1-тур учрашувидаги муваффақиятидан сўнг ўз фикрлари билан ўртоқлашди.
“Биз ўйинни яхши бошладик, ҳатто гол уришга ҳам муваффақ бўлдик, аммо кейин курашишга мажбур бўлдик. Муаммоларга дуч кела бошладик, лекин бир мунча вақт ўтгач, яна ажойиб ўйнадик. Чемпионатнинг янги жамоасига қарши биринчи ўйин ҳар доим қийин кечади. Улар, албатта, борларини беришади, аммо тезкор гол уриш бизга насиб қилди. Биз рақибга ўйинга қайтиш имкониятини қолдирмадик. Ўз устимизда ишлашда давом этишимиз керак" - дея Гвардиоланинг сўзларини келтиради BBC.
