"Тоттенхэм" футболчиси Тангуй Ндомбелега "Фенербахче" қизиқиш билдирмоқда.
26 ёшли ярим ҳимоячига даъвогарлар орасида аввалроқ "Галатасарой" ҳам қайд этилган, бироқ клублар трансфер шартлари бўйича келиша олмаган. Хабарларга кўра, энди “Фенербахче” Ндомбелени сотиб олмоқчи, у аллақачон “Тоттенхэм”га француз учун 10 миллион евро (шундан 2 миллиони бонус) таклиф қилган. "Шпорлар" раҳбарияти бундай шартларни қабул қилишга тайёр. Музокаралар давом этмоқда.
Тангуй Ндомбеле ўтган мавсумда "Наполи"да ижара асосида ўйнаганди. Футболчи 2019 йилда “Лион”дан “Тоттенхэм”га 62 миллион евро эвазига ўтган эди.
