"Тоттенхэм" бош мураббийи Анге Постекоглу Харри Кейн билан келажагини қандай муҳокама қилгани ҳақида гапирди.

Ҳужумчи тез орада "Бавария"га ўтади. "Шпорлар" узоқ йиллик етакчисини сотишдан 100 миллион евродан кўпроқ даромад олади.

"Мен Харри билан ишга келган биринчи кунимда суҳбатлашдим. У ҳам мен каби очиқ ва ҳалол эди. Ўша суҳбатдан сўнг менга аён бўлдики, агар клублар трансфер бўйича келишиб олса, у кетиши, бўлмаса, қолишдан хурсанд бўлади. У ўзини профессионал сифатида кўрсатди ва мен унга шундай мақомга эга бўлган одамга муносиб бўлган ҳурмат билан муносабатда бўлдим", - дея "Тоттенхэм" бош мураббийи сўзларини келтиради Sky Sports.