"Вильярреал"нинг ўнг қанот ҳимоячиси Хуан Фойт яқин келажакда "Барселона"га ўтиши даргумон.
Ҳимоянинг ўнг қанотини мустаҳкамлаш “кўк-анорранглилар” учун бозордаги устувор вазифа бўлиб, 25 ёшли аргентиналик узоқ вақтдан бери клубнинг асосий мақсадларидан бири саналиб келган. Diario AS хабарига кўра, "Вильярреал" "Барселона" билан Фойтнинг трансферини муҳокама қилишдан бош тортган. “Сариқ сувости кемаси” раҳбарияти товон пулини тўлиқ тўлашни талаб қилмоқда, бу 40 миллион евро, ойнинг сўнгги ҳафтасида эса 54 миллион еврога кўтарилади. Каталонияликлар бундай талабни қондира олмайди.
Хуан Фойтнинг "Вильярреал" билан шартномаси 2026 йилгача мўлжалланган.
