Шанба куни РПЛнинг 4-турида “Локомотив” ва “Крилья Советов” ўртасидаги учрашувда 1:1 ҳисобидаги дуранг қайд этилди.

Ҳужумчи Артём Дзюба аввалроқ жароҳат олгани учун Москва жамоасида ўйнамаганди. Ўйиндан сўнг "РБ Спорт" журналисти 34 ёшли футболчидан Игорь Шалимовнинг Россиянинг янги чемпионатида иккитадан кўп гол урмаслиги ҳақидаги башоратини эшитиб, афсусланасизми, деб сўради. Дзюба бундай саволга кескин муносабат билдирди.

"Эшит, мен билан ўйнаша. Телефонингни бир жойингга қўяман. Мени тушундингми? Яна келсанг. Мен сизни охирги марта огоҳлантирган эдим. Кейин бу сенга зарар келтиради. Тушундингми? Яна бир бор шундай савол билан ёндашсанг...” – деди жаҳли чиққан Дзюба. Шундан сўнг футболчи машинага ўтирди ва ҳайдаб кетди.

Эслатиб ўтамиз, Артём Дзюба жорий йилнинг феврал ойидан буён “Локомотив” сафида ўйнаб келмоқда.