"Манчестер Юнайтед" ҳужумчиси Антони Марсьяль ҳамон "Вест Хэм" қизиқишлари доирасида.
Олдинроқ "болғачилар" франциялик футболчига даъвогарлар қаторида кўрсатилганди, бироқ бу масала клублар ўртасида расмий муҳокамага қадар етиб бормаган. Журналист Алекс Крукнинг сўзларига кўра, "Вест Хэм" ҳозирда 27 ёшли футболчи учун музокаралар олиб бормоқда, аммо бу ҳали эрта босқичда. "Қизил иблислар" бошқарувчиси Эрик тен Хаг ҳужумчининг кетишига рози бўлмаяпти.
Антони Марсьяль Transfermarkt томонидан 15 миллион еврога баҳоланган. Футболчининг "МЮ" билан амалдаги меҳнат шартномаси жорий мавсум охирида якунига етади.
