"Аталанта"га ўтган бельгиялик ярим ҳимоячи Шарл де Кетеларе ҳали жамоа билан яқиндан танишишга улгурмади, бироқ у журналистларга ўтган мавсумда, собиқ жамоаси "Милан" бергамоликлар билан икки марта ўйнаганида ушбу клуб ҳақидаги таассуротлари ҳақида гапириб берди.
"Менда “Аталанта” сифатли ва жисмонан бақувват жамоа сифатида таассурот қолдирди. Мен кучли клубга ўтдим. Такрор айтаман, бу мен учун ҳозир идеал вариантдек туюлмоқда", - дея де Кетеларе сўзларини келтиради Италиянинг ITASportPress ахборот агентлиги.
Эслатиб ўтамиз, Италия А сериясининг янги мавсуми бир неча кундан сўнг - ўн тўққизинчи август, шанба куни бошланади.
