Лучано Спалетти Италия терма жамоаси бош мураббийи этиб тайинланди.
Шу билан бирга, Италиянинг Sky нашрининг хабар беришича, «Наполи» 3 миллион евро товон пули олмаган. А Серия чемпионлари энди судга мурожаат қилишлари мумкин.
Эслатиб ўтамиз, Спалетти қўл остида «Наполи» ўтган мавсумда сўнгги 33 йил ичида биринчи марта Италия чемпионига айланганди. Шундан сўнг мутахассис таътилга чиқишга қарор қилди. Неаполликлар шартномани бузган мураббийдан маълум миқдордаги суммани ундирмоқчи эди.
Эътиборлиси, Лучано Спалетти кетганидан кейин «Наполи»ни Руди Гарсия қабул қилди.
