Миланнинг “Интер” клубида тўп тепаётган арманистонлик ярим ҳимоячи Генрих Мхитарян А Серия 1-турида “Монца”га қарши ўйиндан сўнг (2:0) журналистлар билан суҳбатлашди.
“Бизда жуда кучли жамоа бор, буни майдонда исботлаймиз. "Интер" ажойиб ярим ҳимояга эга, бизда Чалханўғли, Фраттези, Барелла ўйнайди. Уларнинг ҳар бири асосий таркибдан жой олишга лойиқ. Ишончим комилки, мураббийлар штаби ҳаммага ўз ўрнини топади. Уларнинг барчаси асосий таркибга муносиб”, - деди Мхитарян.
"Нерадзуррилар"нинг навбатдаги ўйини сафарда "Кальяри"га қарши бўлади.