"Барселона" ярим ҳимоячиси Педри жамоадошлари билан муносабатлари ҳақидаги саволга жавоб берди.
20 ёшли испаниялик футболчи жамоада у билан алоқада бўлиш қийин бўлган футболчи борлигини тан олди: “Жамоадошларимдан қайси бири билан кам мулоқот қиламан? Мен "Барселона"да ҳамма билан яхши муносабатдаман, лекин менинг энг кам алоқам Сержиньо Дест билан. Гап шундаки, у испан тилида кам гапиради, мен эса инглиз тилида кам гаплашаман ”, - дейди Педри.
Сержиньо Дест 2020 йилда "Аякс"дан "Барселона"га ўтган эди. Ўтган мавсумда америкалик футболчи "Милан"да ижара асосида ўйнаганди. Кўплаб миш-мишларга кўра, Каталония клуби трансфер ойнаси ёпилгунига қадар 22 ёшли латерал билан хайрлашишга тайёр.
