"Манчестер Юнайтед" ярим ҳимоячиси Мэйсон Маунт жароҳати сабаб уч ҳафтага яқин майдонга туша олмайди, дея хабар беради клуб матбуот хизмати.
Ярим ҳимоячи Англия чемпионатининг 2-туридан ўрин олган "Тоттенхэм"га қарши ўйинда (0:2) жароҳат олганди.
Маунт "Ноттингем" билан бўлажак ўйинни ўтказиб юборади ва сентябрь ойидаги халқаро ўйинлар учун танаффусдан сўнг майдонга қайтади.
24 ёшли футболчи "Манчестер Юнайтед" билан яна бир мавсумга узайтирилиши мумкин бўлган 5 йиллик шартнома имзолади.
Маунт "Челси" тарбияланувчиси бўлиб, у учун 195 ўйин ўтказган, 33 гол урган ва 37 голга ассистентлик қилган. 2022/23 йилги мавсумда ярим ҳимоячи жамоаси сафида 35 та ўйинда майдонга тушиб, 3 та гол урди ва 6 та голли узатмани амалга оширди.
