"Манчестер Юнайтед" "Фиорентина"дан Софьян Амрабат трансфери учун бошқа ярим ҳимоячи билан хайрлашишга мажбур бўлади. Инсайдер Фабрицио Романонинг сўзларига кўра, "қизил иблислар" Амрабатнинг трансферига ишониш учун Фреддан ташқари яна бир ярим ҳимоячини сотиши керак.
"Фиорентина" ён беришга ва Софьянни аввалроқ сўралган 30 миллион евродан пастроққа сотишга тайёр. "Бинафшаранглилар" футболчини бир йилдан сўнг текинга йўқотишни истамаяпти.
"Манчестер Юнайтед" Амрабатни ўз сафида кўрмоқчи, аммо клуб зудлик билан трансферни амалга ошириш ниятида эмас.