«Тоттенхэм» клуби Ҳарри Кейн «Бавария»га кетганидан сўнг янги ҳужумчи сотиб олиш имкониятини ўрганмоқда.
The Telegraph хабарига кўра, «шпорлар» раҳбарлари «Ноттингем Форест» етакчиларидан бири Бреннан Жонсоннинг трансферига тайёргарлик кўрмоқда.
Хабар қилинишича, «ўрмончилар» уэльслик ҳужумчини 50 миллион фунтга сотишга интилишмоқда, чунки клуб молиявий фейр-плей билан боғлиқ муаммоларга дуч келиши мумкин. Аввалроқ Жонсоннинг ўзи ҳам яқинларини Лондонга кўчиб ўтиши ҳақида маълум қилганди.
Эслатиб ўтамиз, Бреннан Жонсон 2019 йилдан буён «Ноттингем Форест»да ўйнаб келмоқда. Ҳужумчи ўтган мавсумда барча турнирларда 44та ўйинда майдонга тушиб, 10та гол урган. 22 ёшли футболчининг нархи 38 миллион еврога баҳоланмоқда.
