"Манчестер Юнайтед" "Барселона" ҳимоячиси Маркос Алонсони ўз сафига қўшиб олмоқчи.

The Telegraph нашри хабарига кўра, "Манчестер Юнайтед" Люк Шоу жароҳат олган ўрнига ёзги трансфер ойнаси ёпилгунга қадар чап қанот ҳимоячисини сотиб олмоқчи. Унинг жамоадоши Тирелл Маласиа ҳам тиззасидан олган жароҳати туфайли майдонга туша олмайди. "Манчестер Юнайтед"нинг асосий танлови Маркос Алонсо бўлиб, ундан ташқари Марк Кукуреллья ва Серхио Регилонга қизиқиш билдирмоқда.

Mundo Deportivo нашри хабарига кўра, "Манчестер Юнайтед" Алонсони январгача қисқа муддатли ижарага олмоқчи. Журналист Кристиан Фалкнинг хабар беришича, "Манчестер Юнайтед" "Барселона"га 32 ёшли ҳимоячининг трансфери бўйича расмий таклиф юборган, айни дамда клублар музокаралар олиб бормоқда.

Ла Лига 2022/23 мавсумида Маркос Алонсо "Барселона" сафида 24 та ўйинда 1 та гол урди.