"Манчестер Сити" ҳужумчиси Эрлинг Холанд PFA томонидан йилнинг энг яхши ўйинчиси совринини олганидан сўнг ўз таассуротлари билан ўртоқлашди.
Англия профессионал футбол ассоциацияси матбуот хизмати хабарига кўра, сешанба куни Премьер-лиганинг сўнгги мавсумининг энг яхши тўпурари ўз совринини қўлга киритди.
“Ушбу мукофотни олганимдан фахрланаман. Рақобатчиларингиз томонидан тан олиниши ажойиб туйғу ва мен учун овоз берган барча футболчиларга раҳмат айтмоқчиман.
Бир кун келиб жамоам билан требль ютишимни хаёлимга ҳам келтирмагандим. Ўтган мавсум хотиралари хотирамизда абадий қолади, аммо энди биз янги кампанияда ҳам худди шундай натижага эришмоқчимиз", - дея Холанднинг сўзларини келтиради инглиз ОАВлари.
