"Челси" марказий ҳимоячиси Маланг Саррга Англия Премьер-лигасининг яна икки клуби қизиқиш билдирмоқда.
Журналист Санти Унанинг ёзишича, франциялик футболчининг хизматларига “Фулхэм” ва “Ноттингем Форест” клублари қизиқиш билдирмоқда.
Қайд этилишича, Сарр "Челси"ни текинга тарк этиши мумкин, чунки айни дамда футболчига талаб жуда кам. "Фулхэм" ва "Ноттингем Форест" клублари эса унинг асосий даъвогарлари.
Сарр 2020 йилнинг ёзида "Челси"га ўтган эди. Шундан сўнг дарҳол Маланг "Порту"га ижарага ўтди, аммо кейин "Стэмфорд Бридж"да ўйнаш имкониятига эга бўлди. 2021/22 йилги мавсумдан сўнг Сарр "Монако"га ижарага ўтди ва Франция клуби футболчини доимий равишда сотиб олмади.
