Мадриднинг "Реал" клуби ярим ҳимоячиси Тони Кроос футболчиларнинг Саудия Арабистонига оммавий кетишидан норози.
"Инсон ҳуқуқларининг йўқлиги мени у ерга боришимга халақит берган нарса бўлди.
Лекин Криштиану Роналду фаолиятининг охирида қилганидек, ҳар ким ўзи қарор қилиши керак. Аммо фаолияти чўққисида бўлган ва Европанинг топ-клубларида ўйнаш имконини берадиган сифатларга эга бўлган футболчилар у ерга боришга қарор қилишса, бу жуда қийин бўлади.
Кейин улар у ерда амбицияли футбол ўйнашларини айтишади, лекин ҳамма гап пулда. Якунда бу қарор пул фойдасига ва футболга қарши. Ва ўша пайтдан бошлаб барчамиз биладиган ва севадиган футбол учун ишлар янада қийинлашди", - деди "Реал Мадрид" ярим ҳимоячиси.
