30 ёшли мексикалик ҳужумчи Хесус Корона «Севилья»ни тарк этиб, «Монтеррей» клуби билан шартнома имзолади ва ватанига қайтди. Бу ҳақда андалусияликларнинг расмий сайти хабар берди.
Ҳужумчи Мексика клуби билан 3 йиллик узоқ муддатли шартнома имзолади. Шартнома тахминан 3,5 миллион еврони ташкил этди.
Эслатиб ўтамиз, Хесус 2022 йилнинг январидан бери «Севилья» жамоасида тўп тепмоқда. Мексикалик 28 учрашувда қатнашиб, учта гол урган. Ҳужумчи испан клубига ўтишдан олдин «Твенте» ва «Порту»да ўйнаган ва улар билан уч марта Португалия чемпионига айланган.
