"Ал-Қодисия" бош мураббийи Робби Фаулер "Ливерпуль" ҳужумчиси Муҳаммад Салоҳ Саудия Арабистони чемпионатига ўтишига ишонч билдирмоқда.
"Ҳозирги футболдаги энг катта муаммога келсак - келинг, буни Салоҳ достони дейлик - Саудия Арабистони атрофидаги воқеалардан кўриниб турибдики, "Ал-Иттиҳод" таслим бўлмайди", - дея Фаулер сўзларини келтиради The Mirror нашри.
Салоҳ жорий мавсум “Ливерпуль” сафида 4 та ўйинда майдонга тушиб, 2 та гол урди ва 2 та голли узатмани амалга оширди. Унинг мерсисайдликлар билан шартномаси 2025 йилнинг ёзида якунига этади. Transfermarkt футболчини 65 миллион еврога баҳоламоқда.
