«Барселона» дарвозабони Марк-Андре тер Штегеннинг айтишича, одамлар исталган ўйинчини Чемпионлар лигаси натижаларига қараб баҳолашади.

«Одамлар футболчиларни Чемпионлар лигаси натижаларига қараб баҳолайдилар. Бу ҳақиқат. Агар сизнинг жамоангиз турнирда узоққа борса, сиз ўз позициянгиздаги энг яхши беш ўйинчи қаторига кирасиз.

Агар сизнинг жамоангиз камида чорак финалга чиқа олмаса, сиз ўз позициянгиз бўйича ҳаттоки кучли учликка ҳам кира олмайсиз», - дея тер Штегеннинг сўзларини келтиради FC Barcelona Noticias.

2023/24 йилги Чемпионлар лигаси мавсумида «Барселона» «Порту», «Шахтёр» ва «Антверпен» билан бир гуруҳда ўйнайди. Биринчи тур ўйинлари 19 ва 20 сентябрь кунлари бўлиб ўтади.