"Реал Мадрид" ҳимоячиси Дан Карвахаль ўтган ёзда жамоаси "ПСЖ" ҳужумчиси Килиан Мбаппени сотиб олишига ишонган эди. Эслатиб ўтамиз, ҳужумчининг парижликлар билан шартномаси тугашига ҳали бир йил бор, шундан сўнг футболчи эркин агент сифатида "Реал"га ўтиши мумкин.
"Мен трансфер содир бўлади деб ўйладим. "ПСЖ" уни Япониядаги мавсумолди турнесидан четлатганида, биз трансферга яқин деб ўйлагандик. Биз "Реал"дан келган французлардан Мбаппе уларга бирор нарса айтдими, деб сўрадик. Улар йўқ дейишди", - деди Карвахаль Relevo билан суҳбатда.
"ПСЖ" Мбаппе учун 200 миллион евро миқдорида товон пули талаб қилди. Бир йилдан сўнг Килиан текинга ўтиши мумкинлигини инобатга олиб, "Реал" бундай пулни тўламоқчи эмасди.
