"Челси" ярим ҳимоячиси Энцо Фернандес янги жамоадоши Мойсес Кайседонинг инсоний фазилатларини юқори баҳолади, унинг трансфер нархи, бонуслар билан бирга келажакда 130 миллион еврога етиши мумкин.
"Кайседо ажойиб инсон, у "Челси"га эндигина келди. Биз турли хил нарсалар ҳақида бир оз гаплашдик. Биз бўлажак Аргентина – Эквадор ўйинини муҳокама қилмадик, лекин ўйиндан кейин форма алмашишга келишиб олдик" - деди Фернандес ESPN телеканалига берган интервьюсида.
Эслатиб ўтамиз, Фернандеснинг ўзи январь ойида "Челси"га 121 миллион еврога тушган эди. Лиссабоннинг "Бенфика" клуби ярим ҳимоячини трансфер ойнасининг сўнгги соатларида сотишга рози бўлди.
