"Эвертон" ярим ҳимоячиси Демарай Грэй фаолиятини Саудиянинг "Ал Иттифоқ" клубида давом эттиради. Бу ҳақда журналист Фабрицио Романо хабар бермоқда.
Манбага кўра, трансфер суммаси 10 миллион долларни (тахминан 9,3 миллион евро) ташкил қилади. Грэйнинг Саудия клуби билан шартномаси 2027 йилнинг ёзига қадар мўлжалланган.
27 ёшли футболчи ўтган мавсумда “Эвертон” сафида 36 та ўйинда майдонга тушиб, 6 та гол урди ва битта голли узатмани амалга оширди. Transfermarkt портали ямайкалик вингерни 20 миллион еврога баҳоламоқда.
Грэй 2021 йилнинг ўрталаридан бери "Эвертон" шарафини ҳимоя қилмоқда. Аввалроқ у "Байер", "Лестер" ва "Бирмингем" клубларида ўйнаган. "Тулкилар" таркибида ярим ҳимоячи Англия чемпиони бўлишга муваффақ бўлди.
