“Аш-Шабоб”нинг янги азоси Янник Карраско Мадриднинг “Атлетико” клуби билан хайрлашди.

30 ёшли бельгиялик футболчи ҳафта бошида Саудия клубига ўтди. Трансфер нархи 15 миллион еврога баҳоланмоқда.

“Ушбу буюк клубдаги бир неча йиллардан сўнг саҳифани варақлаш ва янги бобни бошлаш вақти келди. "Атлетико"да мен ғалаба ва мағлубият, табассум ва кўз ёшлар каби кўплаб ҳиссиётларни бошдан кечирдим. Бу ерда ўзимни доим уйдагидек ҳис қилганман. Бу клуб менга берган ҳамма нарса учун жуда миннатдорман. Бизнинг йўлларимиз энди турлича, аммо бу ерда тўпланган тажриба мен билан абадий қолади. Мен энг яхши тилакларимни тилайман. Мен, албатта, "Атлетико"ни кузатишда давом этаман", — деб ёзади Карраско ижтимоий тармоқда.