“Ash-SHabob”ning yangi azosi Yannik Karrasko Madridning “Atletiko” klubi bilan xayrlashdi.
30 yoshli belgiyalik futbolchi hafta boshida Saudiya klubiga o‘tdi. Transfer narxi 15 million yevroga baholanmoqda.
“Ushbu buyuk klubdagi bir necha yillardan so‘ng sahifani varaqlash va yangi bobni boshlash vaqti keldi. "Atletiko"da men g‘alaba va mag‘lubiyat, tabassum va ko‘z yoshlar kabi ko‘plab hissiyotlarni boshdan kechirdim. Bu yerda o‘zimni doim uydagidek his qilganman. Bu klub menga bergan hamma narsa uchun juda minnatdorman. Bizning yo‘llarimiz endi turlicha, ammo bu yerda to‘plangan tajriba men bilan abadiy qoladi. Men eng yaxshi tilaklarimni tilayman. Men, albatta, "Atletiko"ni kuzatishda davom etaman", — deb yozadi Karrasko ijtimoiy tarmoqda.
