«Вильярреал» 5 сентябрь, сешанба куни Кике Сетьенни бош мураббийликдан бўшатганини эълон қилди.
Relevo'нинг сўзларига кўра, бу мутахассиснинг дангасалиги туфайли содир бўлган, жамоа унга чидай олмади.
Манбага кўра, мутахассис келганига 10 кун ўтмай, аксарият футболчи ва мураббийлар унга очиқчасига қаршилик кўрсатишган.
Бунинг сабабларидан бири Сетьен номларни аралаштириб юборгани эди: у Йереми Пинони Йерай, Пепе Рейнани Мигель Рейна ва таҳлилчи Девид Фустерни Рауль Фустер деб атаган.
Сетьен «Вильярреал»ни 2022 йилнинг октябридан буён бошқариб келмоқда. Ла Лиганинг 4-туридан кейин жамоа 3 очко билан 15-ўринда бормоқда.
