«Vilyarreal» 5 sentyabr, seshanba kuni Kike Setyenni bosh murabbiylikdan bo‘shatganini e’lon qildi.
Relevo'ning so‘zlariga ko‘ra, bu mutaxassisning dangasaligi tufayli sodir bo‘lgan, jamoa unga chiday olmadi.
Manbaga ko‘ra, mutaxassis kelganiga 10 kun o‘tmay, aksariyat futbolchi va murabbiylar unga ochiqchasiga qarshilik ko‘rsatishgan.
Buning sabablaridan biri Setyen nomlarni aralashtirib yuborgani edi: u Yeremi Pinoni Yeray, Pepe Reynani Migel Reyna va tahlilchi Devid Fusterni Raul Fuster deb atagan.
Setyen «Vilyarreal»ni 2022 yilning oktyabridan buyon boshqarib kelmoqda. La Liganing 4-turidan keyin jamoa 3 ochko bilan 15-o‘rinda bormoqda.
