Бразилия терма жамоаси ЖЧ-2026 йўлланмаси учун сафарини Боливия устидан 5:1 ҳисобида йирик ғалаба билан бошлади. Ўйин охирига келиб "Селесао" ҳимоячиси Габриэль Магальянс алмаштирилди. Бир муддат захира ўриндиғида ўтирган Лондоннинг "Арсенал" футболчиси тиззасига муз қўйди. 25 ёшли ҳимоячи катта эҳтимол билан жароҳат олган.
Айтиш жоизки, Боливия билан ўйин Габриэлнинг Бразилия терма жамоасидаги дебюти бўлди.
Жаҳон чемпионати саралашининг иккинчи турида Бразилия чоршанба куни эрта тонгда Перуга қарши баҳс олиб боради.
2026 йилги жаҳон чемпионатига АҚШ, Канада ва Мексика мезбонлик қилади.
