Каталониянинг “Барселона” клуби бош мураббийи Хави Эрнандес “кўк-анорранглилар” раҳбарияти билан янги шартномани имзолаш борасида келишиб олди. Бу ҳақда инсайдер Фабрицио Романо ижтимоий тармоқлар орқали хабар берди.
Журналистнинг хабар беришича, 43 ёшли мутахассис ва "Барселона" ўртасидаги янги шартнома шу ҳафта охиригача эълон қилинади. Эрнандеснинг клуб билан амалдаги шартномаси келаси йилнинг ўрталарига қадар мўлжалланган.
Ўтган мавсумда Хави бошчилигидаги "Барселона" Испания чемпионига айланганди. Жорий Ла Лигада жамоа тўрт турдан кейин учинчи ўринда бормоқда.
