"Барселона" футбол клуби дунёнинг энг совриндор ва тарихи бой жамоаларидан бири ҳисобланади. Бироқ, охирги беш-олти йил ичида ушбу клуб молиявий муаммолар таъсири остида қолди. Ушбу жараён ҳали ҳам давом этмоқда. Шунга қарамай, "Барселона" ҳали ҳам ўз таркибида юқори маошга эга футболчиларни сақлаб турибди. Хави келгач, жамоа ўйини ва натижаларида ижобий томонга ўзгаришлар кўп бўлди. Ҳозир эса мухлислар улардан янада кўпроғини кутмоқда. Аммо натижаларга сарф-харажатларсиз эришиб бўлмайди. Қуйида "Барселона" таркиби ва уларнинг ҳафталик маошларини билиб оласиз.
Клубга яқин манбаларнинг маълумотларига кўра, "Барселона" йилига футболчиларнинг маоши учун 201 миллион 280 минг евро сарфлаган. Бу эса ҳар ҳафта ўртача 3 миллион 870 минг 769 евро деганидир. Хўш, ушбу маблағларнинг бари айнан қандай тақсимланмоқда?
Маълумотлар футбол молиясига доир маълумотлар тақдим этадиган "Capalogy" уэб-сайтидан олинди.
Эслатма: қуйидаги қийматлар энг яқин тахминий ҳисоб-китоблардир. Футбол клублари оммага ўз футболчиларининг маошини тўлиқ ошкор этмайди. Шу сабаб ўртача маошлар тахмин қилинди.
1. Френки Де Йонг – 721 154 евро
2. Роберт Левандовски – 400 577 евро
3. Илкай Гюндоган – 360 577 евро
4. Жюль Кунде – 260 577 евро
5. Рафинья – 240 385 евро
6. Жоау Канселу – 240 385 евро
7. Ферран Торрес – 192 308 евро
8. Педри – 180 385 евро
9. Иньиго Мартинес – 180 385 евро
10. Андрес Кристенсен – 173 077 евро
11. Рональд Араухо – 134 615 евро
12. Гави – 130 769 евро
13. Тер Штеген – 121 154 евро
14. Маркос Алонсо – 120 192 евро
15. Серхи Роберто – 96 154 евро
16. Ориоль Ромеу – 67 308 евро
17. Иньяки Пенья – 62 500
18. Жоау Феликс – 7 692 евро
19. Алехандро Бальде – 3 077 евро
20. Ламин Ямаль – маълумот йўқ.
ИСМАТОВ Ж.
