Германия терма жамоаси Ханц-Дитер Флик ишдан бўшатилганидан кейин янги мураббий қидирмоқда.
TodoFichaes нашри хабарига кўра, Германия футбол иттифоқи Зинедин Зидан билан боғланган, бироқ 51 ёшли мутахассис бу таклифни рад этган.
Қайд этилишича, Зидан фақат Франция терма жамоасини бошқаришга рози бўлади. Айни дамда "Реал"нинг собиқ устози топ-клубда ишлашни хоҳлайди. Зидан икки йилдан ортиқ мураббийлик қилмади.
Шунингдек, манба Германия футбол ассоциацияси Луи ван Гал билан музокарага киришганини таъкидлайди. 2022 йилги жаҳон чемпионатидан кейин у Нидерландия терма жамоасини тарк этди.
