«Бавария» бош мураббийи Томас Тухель мюнхенликлар ҳимоячиси Маттейс де Лигтнинг ўйинидан кўнгли тўлмади, деб хабар беради TZ.
Манба берган хабарга кўра, голландиялик футболчининг секин-аста индивидуал шаклга эга бўлиб бораётгани, кўп латерал узатмаларни амалга ошириши ва вертикал паслардан қочиши мутахассисга ёқмаяпти.
Шу сабабларга кўра, мюнхенликлар ҳимоячилари Дайот Упамекано ва Ким Мин Чже ундан устунроқ.
Де Лигт «Бавария»да 2022 йилнинг июлидан буён ўйнамоқда. 2023/24 йилги мавсумда 24 ёшли голландиялик барча турнирларда 4та ўйинда қатнашиб, жами 77 дақиқа майдонда ўтказди ва бирорта ҳам гол ура олмади.
Футболчининг клуб билан амалдаги шартномаси 2027 йилнинг ёзига қадар мўлжалланган. Transfermarkt портали футболчининг нархини 75 миллион еврога баҳолаган.
