«Bavariya» bosh murabbiyi Tomas Tuxel myunxenliklar himoyachisi Matteys de Ligtning o‘yinidan ko‘ngli to‘lmadi, deb xabar beradi TZ.
Manba bergan xabarga ko‘ra, gollandiyalik futbolchining sekin-asta individual shaklga ega bo‘lib borayotgani, ko‘p lateral uzatmalarni amalga oshirishi va vertikal paslardan qochishi mutaxassisga yoqmayapti.
Shu sabablarga ko‘ra, myunxenliklar himoyachilari Dayot Upamekano va Kim Min Chje undan ustunroq.
De Ligt «Bavariya»da 2022 yilning iyulidan buyon o‘ynamoqda. 2023/24 yilgi mavsumda 24 yoshli gollandiyalik barcha turnirlarda 4ta o‘yinda qatnashib, jami 77 daqiqa maydonda o‘tkazdi va birorta ham gol ura olmadi.
Futbolchining klub bilan amaldagi shartnomasi 2027 yilning yoziga qadar mo‘ljallangan. Transfermarkt portali futbolchining narxini 75 million yevroga baholagan.
