Испания терма жамоаси Евро-2024 саралашида Кипрни мағлуб этди (6:0). "Барселона" вингери Ламин Ямал ушбу баҳсни асосий таркибда бошлади ва янги рекорд ўрнатди. 16 ёшли болакай терма жамоа учун иккита ўйинда учта ажойиб муваффақиятга эришди!
Энг ёш гол муаллифи
Грузияга қарши ўйинда Ламин 16 ёшу 57 кунлигида Испания терма жамоаси сафида гол урган энг ёш муаллифга айланди. Аввалги рекорд 17 ёшу 304 кунда илк голини урган Гавига тегишли эди.
Энг ёш дебютант
Худди шу Грузия билан ўйинда Ямал Испания терма жамоасининг энг ёш дебютантига айланди. Иккинчи бўлимнинг ўрталарида майдонга тушиб, Ламин Гавининг (17 ёшу 62 кун) рекордини янгилади.
Асосий таркибда майдонга тушган энг ёш футболчи
16 ёшу 62 кунлигида Ямал "қизил фурия" сафида Кипр билан ўйинда асосий таркибга кирди ва яна бир рекордни янгилади. У 17 ёшу 62 кунлигида Испания терма жамоасида асосий таркибда майдонга тушган Гавининг рекордини ўзининг номига ўзгартириб қўйди.
