Ispaniya terma jamoasi Yevro-2024 saralashida Kiprni mag‘lub etdi (6:0). "Barselona" vingeri Lamin Yamal ushbu bahsni asosiy tarkibda boshladi va yangi rekord o‘rnatdi. 16 yoshli bolakay terma jamoa uchun ikkita o‘yinda uchta ajoyib muvaffaqiyatga erishdi!
Eng yosh gol muallifi
Gruziyaga qarshi o‘yinda Lamin 16 yoshu 57 kunligida Ispaniya terma jamoasi safida gol urgan eng yosh muallifga aylandi. Avvalgi rekord 17 yoshu 304 kunda ilk golini urgan Gaviga tegishli edi.
Eng yosh debyutant
Xuddi shu Gruziya bilan o‘yinda Yamal Ispaniya terma jamoasining eng yosh debyutantiga aylandi. Ikkinchi bo‘limning o‘rtalarida maydonga tushib, Lamin Gavining (17 yoshu 62 kun) rekordini yangiladi.
Asosiy tarkibda maydonga tushgan eng yosh futbolchi
16 yoshu 62 kunligida Yamal "qizil furiya" safida Kipr bilan o‘yinda asosiy tarkibga kirdi va yana bir rekordni yangiladi. U 17 yoshu 62 kunligida Ispaniya terma jamoasida asosiy tarkibda maydonga tushgan Gavining rekordini o‘zining nomiga o‘zgartirib qo‘ydi.
