Лондоннинг “Челси” клуби вингери Нони Мадуэке жамоанинг жорий мавсумдаги имкониятларига баҳо берди.
“Кўклар” АПЛнинг тўртта учрашувида тўрт очко жамғариб, турнир жадвалида 12-ўринда бормоқда. Маурисио Почеттино шогирдлари якшанба куни меҳмонда “Борнмут”га қарши баҳс олиб боради.
“Футболда муваффақиятга эришиш учун нафақат иқтидорли футболчиларни жалб қилиш, балки ғолиблар руҳи ҳам зарур – биз жорий мавсумда шу йўналишда ишлашимиз керак. "Челси" учун совринлар жуда муҳим ва биз шунга интилишимиз керак. Жамоа таркибининг кучлилигини ҳисобга оладиган бўлсак, жиддий нарсага даъво қилмасликка ҳаққимиз йўқ", - дея Мадуэкенинг сўзларини келтиради "Челси" матбуот хизмати.
